யார் நாங்கள்

கேத்தரின், இன்ஸ்டிடியூட் ஆப் மஸ்குலோ-ஸ்கில்ட்டல் ஹெல்த்-ல், உடலியக்க நடவடிக்கை, முதுமை மற்றும் இயலாமை ஆகிவற்றை மைய பொருளாக கொண்ட ஆராய்ச்சியை நடத்துகிறார். இவரது ஆராய்ச்சி, கீழே விழுவதை தடுப்பதற்கும் மற்றும் முதிர் வயதினர் மற்றும் உடல் இயலாமை கொண்டவர்களில் மற்றும் இயக்கத்தை மேம்படுத்துவதற்கும் உதவும் உடலியக்க நடவடிக்கை சிகிச்சை தலையீடுகளை நோக்கமாக கொண்டுள்ளது. இவர், PEDro-வை நிறுவியவர்களில் ஒருவராவார்.

மார்க், சிட்னி லோக்கல் ஹெல்த் டிஸ்ட்ரிக்ட்டில், மருத்துவர்களுக்கும் வழிகாட்டிகளுக்கும் பணியிட அடிப்படையிலான ஆராய்ச்சிக்கு ஆராய்ச்சி முறைகளை கற்பிக்கிறார். அவரது தனிப்பட்ட ஆராய்ச்சி ஆர்வங்கள் பின்வருமாறு: சுவாச நோயில் உடல் மற்றும் மருந்தியல் சிகிச்சைகள்; ஒட்டுமொத்த சிகிச்சை விளைவை அதிகரிக்க இந்த சிகிச்சை முறைகளை ஒருங்கிணைத்தல்; மற்றும் மருத்துவர்களால் வெளியிடப்பட்ட ஆராய்ச்சியின் புரிதல் மற்றும் பயன்பாட்டை மேம்படுத்துதல், ஆகியவை ஆகும். மார்க், சிட்னி மருத்துவப் பள்ளியில் மருத்துவ இணை பேராசிரியராகவும், ஜர்னல் ஆஃப் பிசியோதெரபியின் அறிவியல் பதிப்பாசிரியராகவும் உள்ளார்.

லியோ, யுனிவர்சிடேட் சிடேட் டி சாவோ பாலோவில், பிசியோதெரபி சிகிச்சையில் முதுநிலை மற்றும் முனைவர் கல்வி திட்டங்களின் தலைவராக உள்ளார். இவரது ஆராய்ச்சி, கீழ் முதுகுவலி உள்ளவர்களுக்கு மருந்தியல் அல்லாத சிகிச்சை தலையீடுகளின் விளைவுகள் குறித்து கவனம் செலுத்துகிறது.

பெக், ஆர்காடியா பல்கலைக்கழகத்தின் காலேஜ் ஆப் ஹெல்த் சயின்சசின் டீன் ஆவார். இதற்கு முன்பு, பிசியோதெரபி துறையின் தலைவராக பணியாற்றினார். அவர், வயது முதிர்ந்தோருடன் பணிபுரிந்தாலும் அல்லது மனித நோயின் விலங்கு மாதிரிகளை ஆராய்ந்தாலும் சரி, அவரது ஆராய்ச்சியின் கருப்பொருள் இணக்கத்திறன் ஆகும். இவர், Improving Community Ambulation After Hip Fracture trial என்ற ஆராய்ச்சியில், இணை-முதன்மை ஆராய்ச்சியாளராக உள்ளார்.

சாலி, காக்ரேன் ஆஸ்திரேலியாவின் இணை-இயக்குநராக உள்ளார். மேலும், ஒரு காக்ரேன் திறனாய்வு விமர்சகராகவும் செயல்படுகிறார். அவரது ஆராய்ச்சி, ஆராய்ச்சி முடிவுகளிலிருந்து மருத்துவ நடைமுறை மற்றும் கொள்கையில் ஏற்பட வேண்டிய நீடித்த மாற்றத்திற்கு, பயனுள்ள மற்றும் திறமையான அறிவு பரிமாற்ற பாதையை ஆராய்வதன் மூலம் ஆரோக்கிய விளைவுகளை மேம்படுத்துவதை நோக்கமாகக் கொண்டுள்ளது.

சாலி, எக்ஸிடெர் பல்கலைக்கழகத்தில், மிரில் கில்லிங்சின் ஹெல்த் இன்னோவேஷன் பேராசிரியர் ஆவார். இவர், முதுமை, இயலாமை மற்றும் மறுவாழ்வு சம்மந்தமான ஆராய்ச்சிகளில், சர்வதேச அளவில் அங்கீகரிக்கப்பட்ட ஆராய்ச்சி அறிஞர். சமவாய்ப்பு கட்டுப்படுத்தப்பட்ட மருத்துவ பரிசோதனைகள் மற்றும் சுகாதார சேவை நடைமுறையின் உயர் தர மதிப்பீடு ஆகியவற்றில் அவர் ஒரு அனுபவமிக்க ஆராய்ச்சி முறையியலாளர் ஆவார்.

பிலிப், நெதர்லாந்தில் உள்ள ராட்போட் பல்கலைக்கழக மருத்துவ மையத்தின் அறிவியல் சுகாதார நிறுவனத்தில் (ஐ.க்யூ ஹெல்த்கேர்) மூத்த ஆராய்ச்சியாளராக உள்ளார். இவரது ஆராய்ச்சி திட்டங்கள், சுகாதார சேவைகளின் தரம், செயல்படுத்தல் மற்றும் மதிப்பீடு ஆகியவற்றை நோக்கமாகக் கொண்டுள்ளன. மேலும், மருத்துவ நடைமுறை வழிகாட்டுதல்களை மேம்படுத்துவதும் செயல்படுத்துவதும் அவரது ஆராய்ச்சியின் முக்கிய துறைகளில் ஒன்றாகும்.

கிறிஸ், சிட்னி பல்கலைக்கழகத்தின், ஸ்கூல் ஆப் பப்ளிக் ஹெல்த்-ல் பேராசிரியராக உள்ளார். இவரது ஆராய்ச்சி, முதுகு வலியால் பாதிக்கப்பட்ட மக்களுக்கு அளிக்கப்படும் சிகிச்சை தரத்தை மேம்படுத்துவதை நோக்கமாக கொண்டுள்ளது. இவர், PEDro-வை நிறுவியவர்களில் ஒருவராவார்.