3 மார்ச் 2025-ன் புதுப்பித்தலில், PEDro உள்ளடக்கங்களின் பகுப்பாய்வு இந்த பக்கத்தில் வழங்கப்படுகிறது. இந்த தரவுகள், ஆண்டுதோறும் புதுப்பிக்கப்படும். எனவே அடுத்த புதுப்பித்தல் பிப்ரவரி 2026-ல் திட்டமிடப்பட்டுள்ளது.
3 மார்ச், 2025 அன்று, PEDro-வானது 64,510 சீரற்ற கட்டுப்படுத்தப்பட்ட சோதனைகள், முறைப்படுத்தப்பட்ட திறனாய்வுகள் மற்றும் ஆதாரம்-சார்ந்த மருத்துவ நடைமுறை வழிகாட்டல்களின் அறிக்கைகளைக். கொண்டிருந்தது. 44,528 சோதனைகள், 15,161 திறனாய்வுகள், மற்றும் 820 வழிகாட்டல்கள் இருந்தன. கீழேயுள்ள வரைபடம், ஒவ்வொரு ஆண்டும் கிடைக்கும் சோதனைகள், திறனாய்வுகள் மற்றும் வழிகாட்டல்களின் ஒன்று திரண்ட எண்ணிக்கையை எடுத்துக்காட்டுகிறது.
பிசியோதெரபியின் அனைத்து பகுதிகளுக்குமான சோதனைகள், திறனாய்வுகள் மற்றும் வழிகாட்டல்களின் அறிக்கைகளை PEDro வகைப்படுத்துகிறது. பிசியோதெரபியின் ஒவ்வொரு பகுதிக்குமான சோதனைகள், திறனாய்வுகள் மற்றும் வழிகாட்டல்களின் எண்ணிக்கையை கீழே உள்ள வரைபடம் எடுத்துக்காட்டுகிறது. தசையெலும்பு கூட்டமைப்பு மற்றும் இதய-சுவாசவியல் சோதனைகள், திறனாய்வுகள் மற்றும் வழிகாட்டல்கள் பெரிய அளவிலான எண்ணிக்கையில் இருந்தது. இந்த வரைபடம், முழுமையான தரவை கொண்ட 63,410 ஆவணங்களின் குறியீட்டை அடிப்படையாக கொண்டது (1,100 ஆவணங்கள் செயலாக்கத்தில் உள்ளன, எனவே இன்னும் பிசியோதெரபி பகுதியில் குறியீடு செய்யப்படவில்லை) என்பதை நினைவில் கொள்ளவும். ஒவ்வொரு சோதனை, திறனாய்வு மற்றும் வழிகாட்டலும், ஒன்றுக்கும் மேற்பட்ட பிசியோதெரபி பகுதியில் குறியீடு செய்யப்படலாம், அதனால் இந்த வரைபடத்தில் உள்ள அறிக்கைகளின் மொத்த எண்ணிக்கை 63,410-க்கும் மேலே சேர்க்கும்.
PEDro-வில் வகைப்படுத்தப்பட்டுள்ள சோதனைகளின் அறிக்கைகள், “PEDro அளவுக்கோல்” என்ற ஒரு சரி பார்க்கும் குறிப்பு பட்டியலை கொண்டு மதிப்பீடு செய்யப்படுகின்றன. மருத்துவ ரீதியாக முடிவெடுத்தலை தெரிவிக்க, உள்ளான நேர்மை மற்றும் பொருள் விளக்கம் செய்துக்கொள்ள போதுமான புள்ளிவிவர தகவல்களை கொண்டுள்ள சோதனைகளை PEDro பயனர்கள் விரைவாக அடையாளம் காண உதவ PEDro அளவுக்கோல் உருவாக்கப்பட்டது. ஒவ்வொரு சோதனை அறிக்கைக்கும் 0 முதல் 10 வரையிலான மதிப்பெண் வரிசையில், ஒரு மொத்தமான மதிப்பெண் அளிக்கப்படுகிறது. கீழே உள்ள வரைபடம், ஒவ்வொரு மொத்த மதிப்பெண் பெற்ற சோதனை அறிக்கைகளின் எண்ணிகையை எடுத்துக்காட்டுகிறது. சராசரி PEDro மொத்த மதிப்பெண் 1.7 நியமவிலகலுடன் 5.2 ஆகும். 40% சோதனை அறிக்கைகள், PEDro அளவுக்கோலில் ≥ 6/10 மதிப்பெண் பெற்று மிதமான முதல் உயர் தரமுடையதாய் இருந்தன, இந்த வரைபடம் முழுமையான தரவை கொண்ட 47,428 ஆவணங்களின் குறியீட்டை அடிப்படையாக கொண்டது (1,100 சோதனை ஆவணங்கள் செயலாக்கத்தில் உள்ளன, எனவே இன்னும் PEDro அளவுக்கோல் கொண்டு மதிப்பீடு செய்யப்படவில்லை) என்பதை நினைவில் கொள்ளவும்.
PEDro அளவுக்கோலின் ஒவ்வொரு உருப்படியையும் திருப்தி செய்த சோதனை அறிக்கைகளின் சதவீதத்தை கீழே உள்ள வரைபடம் விளக்குகிறது. பெரும்பாலான சோதனைகள் சீரற்ற ஒதுக்கீட்டை (97%) பயன்படுத்தின, குழுக்களுக்கு இடையேயான ஒப்பீடுகள் பற்றிய அறிக்கை (94%), மற்றும் சராசரி மற்றும் வேறுபாட்டு தரவு அறிக்கை (92%). சில சோதனைகள், ஆய்வு மக்களை ஒதுக்கீட்டிற்கு மறைத்தன (6%), அல்லது தெரபிஸ்ட்களை (1%), மற்றும் மறைக்கப்பட்ட ஒதுக்கீட்டை பயன்படுத்தின (29%), மற்றும் சிகிச்சையளிக்கும் நோக்கம் கொண்ட பகுப்பாய்வை பயன்படுத்தின (29%). இந்த வரைபடம் முழுமையான தரவு கொண்ட 47,428 ஆவணங்களின் குறியீட்டை அடிப்படையாக கொண்டது (1,100 ஆவணங்கள் செயலாக்கத்தில் உள்ளன, எனவே இன்னும் PEDro அளவுக் கோலை பயன்படுத்தி குறியீடு செய்யப்படவில்லை) என்பதை நினைவில் கொள்ளவும்.
PEDro-வில் சோதனைகள், திறனாய்வுகள் மற்றும் வழிகாட்டல்களை வகைப்படுத்த எந்த மொழி கட்டுப்பாடும் இல்லை.கீழே உள்ள வரைபடம் வெளியீட்டு மொழி அடிப்படையில் உள்ள ஆவணங்களின் எண்ணிக்கையை எடுத்துக்காட்டுகிறது. மொத்தம் 31 வெவ்வேறு மொழிகளில், ஆவணங்கள் வெளியிடப்பட்டன. மிக அதிகமான வெளியீடுகளின் மொழியாக ஆங்கிலம் இருந்தது (92.1% பதிவுகள்), அதனை தொடர்ந்து சீனம் (3.7%), ஜெர்மன் (0.8%) மற்றும் ஸ்பெயின் (0.7%) ஆகியவையாகும்.
PEDro என்பது உடற்பயிற்சியியலாளர்கள் சமீபத்திய ஆய்வுக் கண்டுபிடிப்புகளுடன் தொடர்ச்சியாக இணைந்திருக்கவும், அந்த ஆதாரங்களை மருத்துவச் செயல்பாட்டில் மாற்றவும் உதவும் வளங்களை உருவாக்குகிறது.
- “”உங்கள் அஞ்சல் பெட்டியில் உள்ள ஆதாரம்”” சேவை, ஒவ்வொரு துணைத் துறையும் தலைப்பையும் பொருத்தமான சமீபத்திய ஆய்வுகள் வழங்குகிறது, தற்போது 21,494 சந்தாதாரர்களைக் கொண்டுள்ளது.
- ஆங்கிலம் மற்றும் போர்த்துகீசியம் ஆகிய இரு மொழிகளில் வழங்கப்படும் PEDro மாதாந்திர செய்திமடல், 20,075 சந்தாதாரர்களைக் கொண்டுள்ளது.
- PEDro, PEDro அளவுகோலைச் சரியாகப் பயன்படுத்துவதற்கு உதவும் ஒரு பயிற்சி திட்டத்தை வழங்குகிறது—இது ஆங்கிலம் மற்றும் போர்த்துகீசிய மொழிகளிலும் கிடைக்கின்றது. உலகம் முழுவதிலும் 551 நபர்கள் PEDro அளவுகோல் பயன்பாட்டில் தேர்ச்சி பெற்றதாக சான்றிதழ் பெற்றுள்ளனர்.
- PEDro தனது சமூக ஊடகப் பங்களிப்பை X, Facebook, Instagram மற்றும் LinkedIn போன்ற தளங்களில் ஆங்கிலம் மற்றும் போர்த்துகீசியம் ஆகிய மொழிகளில் பராமரிக்கிறது, இதன் மூலம் 56,322 சந்தாதாரர்களை எட்டியுள்ளது.
- PEDro 13 உலகளாவிய பத்திரிகை கிளப்புகளை உருவாக்கியுள்ளது, இவை பல துணைத்துறைகளை உள்ளடக்கிய தலைப்புகளில் ஆதார சுருக்கங்கள் மற்றும் நிபுணர் குழு விவாதங்களை வழங்குகின்றன.
- PEDro-வின் YouTube சேனலில் 215 வீடியோக்கள் உள்ளன, அவை மொத்தமாக 412,696 பார்வைகளைப் பெற்றுள்ளன மற்றும் 3,585 சந்தாதாரர்களை ஈர்த்துள்ளன.
2024-ஆம் ஆண்டு, PEDro உலகம் முழுவதிலிருந்து 240 நாடுகளில் இருந்து 5,821,829 உறுதிப்பத்திரங்களைப் பதிவு செய்தது. இது வருடம் முழுவதும் சுமார் ஒவ்வொரு 5 விநாடிக்கும் ஒரு புதிய கிளிக், ஸ்க்ரோல், தேடல் அல்லது வீடியோ பார்வையைத் தொடங்குவதை குறிக்கிறது. அதிகபட்ச ஈடுபாடு உள்ள ஐந்து நாடுகள்:
- 29% பிரேசில்
- 6% ஸ்பெயின்
- 6% ஆஸ்திரேலியா
- 5% அமெரிக்கா
- 4% ஜெர்மனி
2024-இல் PEDro பெறும் ஈடுபாட்டைக் காட்டும் வெப்பப்படம் கீழே வழங்கப்பட்டுள்ளது.
(வலைபடம் 6)
#PhysicalTherapy #physio
